Fótbóltur

Janus avloysir Leiv

Útskifting á vinstra vongi í hópinum til fyrstu EM-undankappingardystirnar, sum verða 6. og 10. november. Leivur Mortensen er skaddur, og FIF-liðfelagin Janus Dam Djurhuus avloysir hann.

22-ára gamli Janus Dam Djurhuus hevur tveir a-landsdystir á baki og er partur av 2002-árganginum, sum spældi eina rúgvu av góðum undgómslandsdystum (Savnsmynd: Sverri Egholm)

2024-10-30 11:09

Agnar Prestá

Ein útskifting er í manslandsliðshópinum, sum skal møta Kosovo og Ukraina í næstu viku. Janus Dam Djurhuus er kallaður inn fyri Leiv Mortensen, sum er vorðin skaddur.

Hesum boðar Hondbóltssamband Føroya frá.

Hoyvíkingarnir eru til dagliga liðfelagir í FIF í næstbestu donsku deildini. Leivur spældi ógvuliga væl í HM-play off dystunum í mai og hevur verið fyrsta val á vonginum í teimum flestu av seinastu landsdystunum.

Leivur Mortensen var ógvuliga tryggur í dystunum móti Norðurmakedónia (Savnsmynd: Sverri Egholm)

22-ára gamli Janus Dam Djurhuus hevur tveir a-landsdystir á baki. Hann var við í júst HM-undankappingardystunum móti Norðurmakedonia í vár. Janus er partur av 2002-árganginum, sum vann European Open (U17), European Championship (U19) og var við til U20 EM-endaspæl og U21-endaspæl.

Føroyski hópurin til fyrstu dystirnir í EM-undankappingini telur sostatt hesar 18 leikarar.

Málverjar:

Pauli Jacobsen, HØJ Elite (DEN)

Aleksandar Lacok, Lugi Handboll (SWE)

Bakkar:

Tróndur Mikkelsen, Kristiansand Topphåndbold (NOR)

Rói Ellefsen á Skipagøtu, IF Hallby HK (SWE)

Pauli Mittún, Team Sydhavsøerne (DEN)

Óli Mittún, IK Sävehof (SWE)

Elias Ellefsen á Skipagøtu, THW Kiel (GER)

Vilhelm Poulsen, TSV Hannover-Burgdorf (GER)

Kjartan Johansen, Lemvig-Thyborøn (DEN)

Peter Krogh, Aarhus HC (DEN)

Bjarni í Selvindi, Valur (ISL)

Vengur:

Rói Berg Hansen, Køge Håndbold (DEN)

Janus Dam Djurhuus, FIF Håndbold (DEN)

Hákun West av Teigum, Füchse Berlin (GER)

Allan Norðberg, Valur (ISL)

Strikur:

Teis Horn Rasmussen, Aarhus HC (DEN)

Pætur Mikkjalsson, Team Sydhavsøerne (DEN)

Ísak Vedelsbøl, IK Sävehof (SWE)

Føroyar møta Kosovo á heimavølli í Høllini á Hálsi mikudagin 6. november klokkan 19.00, og Ukraina á útivølli í Vilnius í Litava sunnudagin 10. november klokkan

13.00.

Portalurin verður á staðnum til báðar dystirnar.

Dagført: 11.18

Vinarliga broyt tínar kennifíla - og privatlívsstillingar fyri at síggja hetta innihald