Tíðindaskriv
Fyrsta ferðin hjá einum føroyskum liði at kappast í stríðsítróttin brasilianskt jiu-jitsu, endandi sjey heiðursmerkium
Farna vikuskiftið var árliga Danish Open Jiu-Jitsu kappingin í Hillerød. Tá vóru fimm íðkarar úr Føroyum við. Hesir íðkarar umboðaðu báðar jiu-jitsu skúlarnar í Føroyum, Tórshavn Brazilian Jiu-Jitsu og BJJ Vágar.
Yvir túsund tilmeldingar vóru úr 29 londum til hesa kappingina. Eitt av hesum eru Føroyar, sum er tað landið, ið hevði flest pr. Íbúgva.
Kappingin var býtt upp eftir aldur, kyn, vekt og belti. Kappast var bæði við og uttan jiu-jitsu búnan (GI og No-GI). Tey fimm, sum fóru til Danmarkar at kappast, vóru:
Áron Joensen (Tórshavn Brazilian Jiu-Jitsu), fekk bronsu heiðursmerki
Bjartur Bernhardson Thomsen (Tórshavn Brazilian Jiu-Jitsu), fekk silvur heiðursmerki
Djóni Strømsten (Tórshavn Brazilian Jiu-Jitsu og BJJ Vágar), fekk tvey silvur heiðursmerki
Eliane Campos Klein (Tórshavn Brazilian Jiu-Jitsu) fekk silvur heiðursmerki
Levi Jakobsen (Tórshavn Brazilian Jiu-Jitsu) fekk eitt silvur og eitt bronsu heiðursmerki
Føroyar endaðu á níggjunda plássi millum londini sum vóru við til kappingina.
Føroysku jiu-jitsu feløguni eru væl nøgd við hetta úrsliti og hava ætlanir um at fara til fleiri kappingar uttan fyri Føroyar.
-
Áron Joensen fekk bronsu í No-GI
-
Djóni Strømsten fekk silvur í No-GI
-
Levi Jakobsen fekk silvur í GI
-
Djóni Strømsten fekk silvur í GI
-
Eliane Campos Klein fekk silvur í No-GI
-
Bjartur B. Thomsen fekk silvur í No-GI
-
Levi Jakobsen fekk bronsu í No-GI
Vinarliga broyt tínar kennifíla - og privatlívsstillingar fyri at síggja hetta innihald