Fótbóltur

Jóan Símun fór út við bindi um knæði

Talan er um sama stað, sum álopsprofilurin hevur havt skaða í, men sum skilst verður hann klárur í morgin.

Mynd: Sverri Egholm

Mynd: Sverri Egholm

2019-03-22 17:50 Author image
Agnar Prestá
placeholder

Føroyar høvdu sína seinastu venjing undan dystinum móti Malta fyri løtu síðani. Hon var á Ta' Qali leikvøllinum, har uppgerðin millum oyggjalondini verður í annaðkvøld.

Myndir: Tíðindafundur og venjing á Ta Qali

Mitt undir venjingini fór Jóan Símun Edmundsson út og fekk viðgerð frá læknanum hjá føroyska liðnum. Talan var um trupulleikar í knænum. Sambært in.fo var talan um knæðið, ið Arminia Bielefeld-leikarin hevur havt trupulleikar við.

Tað kann vera ein avleiðing av skaðanum, og at 27-ára gamli toftamaðurin hevur gjørt ov nógv av í einari støðu í venjingini. Tær upplýsingarnar ið vit hava fingið, benda tó ikki á, at Jóan Símun noyðist at sita uttanfyri, men at hetta ikki er nakað álvarsligt.

[object Object](Mynd: Sverri Egholm)

placeholder
placeholder