Jóhan á Plógv skal spæla við Hannover

Jóhan á Plógv skal nú spæla í heimsins sterkastu hondbóltslandskapping, har hann hevur skriva undir sáttmála við Hannover-Burgdorf

“Eg føli at hetta er rætta tíðspunkti í mínari yrkisleið, at royna okkurt nýtt, og tað hevur altíð verið ein dreymur at spæla í Bundesliguna” sigur Jóhan við TV2 SPORT,

Tað vóru fleiri feløg, ið vísti áhuga fyri Jóhann, har ímillum stórfelagið Kiel, men valið fall á Hannover, har Jóhan metir seg hava góðar møguleikar fyri, at fáa nógva spælitíð. “Eg føli, at har eg eri nú, er spælitíð umráðandi. At koma niður, og royna Bundesliguna, har eg kann fáa nakrar minuttir, og kanska ikki sita so nógv á bonkinum, tað trúgvi eg er nakað, sum gagnar øllum leikarum” sigur Jóhan  við TV2 SPORT.