John Frederiksen úttikin fyri fyrstu ferð

Føroyska A-landsliðið hjá monnum skal spæla heimadystir móti Ísrael, Danmark og Moldova í HM-undankappingini. Dystirnir verða leiktir ávíkavist 1. september, 4. september og 7. september.

25 leikarar eru úttiknir. Talið er nakað hægri, enn tað ofta er. Orsøkin er millum annað, at tríggir tættir dystir skulu leikast, men so er tað eisini tað, at liðformaðurin Hallur Hansson í løtuni ikki hevur sáttmála vi nakað felag og harvið ikki hevur spælt dyst í eina tíð - tískil er nakað av ivamálið um, hvussu nógv hann kann spæla. Sølvi Vatnhamar hevur verið skaddur seinastu tíðina, og harvið er enn ein av føstu miðvallarunum.

Heri Hjalt Mohr hevur spælt framúr væl fyri HB í evropeisku dystunum og er aftur á landsliðnum. Harvið er ikki pláss fyri Jóannes Kalsø Danielsen úr KÍ. René Shaki Joensen og Kaj Leo í Bartalsstovu hava verið úttiknir fyrr í ár, men hava síðani verið tarnaðir í at komið við.

Heilt nýggja navnið í hópinum er 25-ára gamli John Frederiksen. 2,02 metrahøgi áleyparin er uppvaksin á Bornholm, men spældi eitt skifti í Føroyum - fyrst við 07 Vestur og síðani HB. Hann umboðaði Føroyar á U15, U17 og U19-landsliðunum og hevur í seinastuni gjørt vart við seg í fyrst næstbestu deildini í Finnlandi og síðani í næstbestu deildini í Eysturríki, har hann seinastu vikurnar hevur skorað nógv mál fyri SKU Amstetten. Í februar varð John skurðviðgjørdur fyri svull í heilanum.


Málverjar: 
Gunnar Nielsen, FH (ÍS)
Teitur Matras Gestsson, HB
Mattias Lamhauge, B36

Verjuleikarar: 
Viljormur Davidsen, Vejle BK (DAN)
Ári Mohr Jónsson, Sandnes Ulf (NOR)
Odmar Færø, KÍ
Heini Vatnsdal, KÍ
Sonni Ragnar Nattestad Dundalk FC (ÍRL)
Rógvi Baldvinsson, Bryne FK (NOR)
Gilli Rólantsson Sørensen, Odds BK (NOR)
Heri Hjalt Mohr, HB 

Miðvallarar: 
Brandur Hendriksson Olsen, Helsingborg IF (SVØ)
Gunnar Vatnhamar, Víkingur
Sølvi Vatnhamar, Víkingur
Jákup Biskopstø Andreasen, KÍ
Tróndur Jensen, NSÍ
René Shaki Joensen, HB)
Hallur Hansson (Einki felag)
Kaj Leo í Bartalsstovu, Valur (ÍSL)
Petur Knudsen, Lyngby (DK)

Áleyparar: 
Jóan Símun Edmundsson, Waasland-Beveren (BEL)
Klæmint Andrasson Olsen, NSÍ
Meinhard Egilsson Olsen, Bryne FK (NOR)
Andreas Lava Olsen, Víkingur
John Frederiksen, SKU Amstetten (EYS)