Julian Johansen nýggjur hjálparvenjari hjá A-landsliðnum

Julian Johansen er í dag settur sum hjálparvenjari hjá A-landsliðnum hjá monnum.

Julian tekur við starvinum eftir Lars Porskær Møller nú hansara sáttmáli gekk út. Tað verður sostatt Julian, sum saman við Peter Bredsdorff-Larsen, høvuðsvenjara, og Tom Jensen, málverjavenjara, sum skulu leiða føroyska manslandsliðið í EM-endaspælinum í Týsklandi í januar.

Hann er 33 ára gamal og hevur longu drúgvar royndir sum venjari. Julian Johansen hevur vant bæði menn og kvinnur í fremstu deildini í Føroyum og er í løtuni venjari hjá U21-landsliðnum hjá Føroyum, sum skal til HM í Týsklandi í juni mánaði.

Julian Johansen tekur við starvinum 1. juli.