KÍ farið av landinum

Hóskvøldið skal KÍ gera arbeiðið liðugt og harvið tryggja sær í minsta lagi Conference League bólkaspæl. Tað ger KÍ nevniliga, um klaksvíkingar samlað vinna móti Borac Banja Luka í Bosnia Hersigovina.

Hópurin fór í morgun við leiguflogfari úr Vágum, og millumlent verður í Bremen, har brennievni verður bunkrað. Tað skrivar Norðlýsið.

Sama flogfar flýgur KÍ-hópin heim aftur fríggjadagin.

KÍ vann 2-1 í fyrra dystinum móti Borac á Tórsvølli hósdagin, so møguleikin at vinna seg víðari í Europa League er heilt hampiligur.

(Mynd: Sverri Egholm)

Tapir KÍ samlað móti Borac, verður Playoff-dystur um bólkaspæl í Conference League.

Borac-KÍ verður hósdagin klokkan 20 føroyska tíð.

Á grafikkinum niðanfyri síggjast møguleikarnir hjá KÍ at vinna seg í bólkaspæl: