KÍ leingir við landsliðsleikara

Sterki landsliðsmiðverjin, Odmar Færø hevur skrivað undir trý ára sáttmála við KÍ.

Odmar Færø, sum við kønari hond hevur stýrt verjuni hjá KÍ síðani 2020, tekur trý ár afturat á liðnum, siga føroyameistararnir á heimasíðuni.

(Savnsmynd: Sverri Egholm)

Hann kom til Klaksvíkar undan kappingarárinum 2020 og hevur spælt 65 dystir í kongabláa búnanum. Odmar Færø hevur skorað tilsamans átta mál fyri KÍ - sjey í Betrideildini og eitt í søguliga Conference League dystinum móti Rigas FS við Djúpumýru í 2021.

Sáttmálin er galdandi til og við 2025.

Odmar Færø og Mikkjal Thomassen (Mynd: KÍ)