Kiel skal til Fraklands - Flensburg til Fjón

FC Porto, MT Melsungen, Limoges Handball og GOG spældu seg í gjárkvøldið víðari úr play-off umfarinum í EHF European League.

Hetta svarar til áttandapartsfinalurnar, og harvið er nú greitt, hvussu fjórðingsfinalurnar síggja út. Teir fýra bólkavinnararnir í meginumfarinum komu beinleiðis víðari til 1/4-finalurnar; harímillum liðini hjá Eliasi Ellefsen á Skipagøtu og Jóhan á Plógv Hansen sum høvdu frí í gjár og í seinastu miðvikuni eisini.

Fjórðingsfinalurnar í Europan League:
Montpellier HB - FC Porto
CD Bidasoa Irún - MT Melsungen
THW Kiel - Limoges Handball
SG Flensburg-Handewitt - GOG

Dystirnir verða spældir týsdagin 22. apríl og týsdagin 29. apríl - ein á heimavølli og ein á útivølli.

Fýra lið afturat hava nú vunnið sær rættin at spæla í fjórðingsfinalunum (Mynd: eurohandball.com)

Jóhan á Plógv vil enda tíðina í Flensburg væl 

Jóhan á Plógv Hansen og Flensburg Handewitt skulu fyrst ein lutfalsliga stuttan biltúr norður um markið til Danmarkar og yvir til Fjón. Har tekur GOG ímóti. Danska liðið vann eina ógvuliga spennandi fjórðingsfinaluuppgerð móti Benfica, har norski Tobias Grøndahl var í hopla. Simon Pytlick, Emil Jakobsen og Lukas Jørgensen hava allir spælt fyri GOG men eru nú Flensburg-spælarar.

Flensburg vann European League í fjør, og fyri at koma til Final Four-vikuskiftið í Hamborg skal liðið hjá føroyska vonginum á danska landsliðnum vinna á komandi liðnum hjá Óla Mittún.

Systkinabarn Óla royndi í fjør at vera í Final Four í Champions League. Har endaðu Elias Ellefsen á Skipagøtu og Kiel við bronsuni - nú verður farið eftir gullinum í næststerkasti evropeisku kappingini. Týska stórfelagið við føroyska spælskiparanum verður stórfavorittur móti franska Limoges.

Fjórðingsfinalurnar í European League verða spældar 22. apríl og 29. apríl.