Hondbóltur

KÍF vann á H71

Hoyvíkingar taptu fyri fyrstu ferð í ár, tá teir í dag vitjaðu í Kollafirði.

Savnsmynd: Sverri Egholm

Savnsmynd: Sverri Egholm

2019-10-06 19:20 Author image
Niels Pauli Danielsen

Fult umfar var í Okkara Deildini í dag, har tríggir dystir vóru leiktir.

Í Ítróttarhøllini í Kollafirði tók KÍF ímóti oddaliðinum H71, ið hevði fult stigatal undan dystinum. Tann sigursrøðin steðgaði í dag, tá KÍF, ið eisini hevði gott tak á føroyameistaranum í fjør, vann dystin 31-27, eftir at gestirnir úr Hoyvík vóru á odda 14-16 í hálvleikinum. Sigurin hjá KÍF merkir, at kollfirðingar nú bert eru eitt stig aftanfyri H71 á fyrsta plássi, og við einum dysti færri enn oddaliðið.

Í høllini í Vestmanna leiktu VÍF og Nestin í dag. Tann dysturin endaði við javnleiki 24-24, eftir at VÍF var á odda 12-11 í hálvleikinum. Hetta er aðru ferð upp í slag at vestmenningar spæla javnt.  

Í Klaksvík vann Kyndil sín fyrsta dyst í ár, tá kyndilsmenn vunnu 14-31 á Team Klaksvík, eftir at teir førdu 7-15 í hálvleikinum.

Úrsliti í Okkara Deildini í dag

KÍF – H71 31-27 (14-16)

Toppskjúttar:

Peter Krogh 11

Nicklas Selvig 10


VÍF – Neistin 24-24 (12-11)

Toppskjútti:

Filip Jojic 9


Team Klaksvík – Kyndil 14-31 (7-15)

Toppskjútti:

Anders Risdal 7


Støðan í Okkara Deildini

H71 8 stig (5 dystir)

KÍF 7 stig (4 dystir)

STÍF 7 stig (5 dystir)

VÍF4 stig (5 dystir)

Neistin 4 stig (5 dystir)

Kyndil 2 stig (4 dystir)

Team Klaksvík 0 stig (4 dystir)

placeholder
placeholder