Kolding og Erik vunnu

Erik Ernesto Nielsen, ið hevur drúgva fortíð í føroyskum fótbólti, hevur síðani venjarin hjá Kolding Anders Jensen bleiv uppsagdur, havt ábyrgdina av Kolding IF í næstbestu donsku deildini.

Les meira: 

Erik Ernesto Nielsen skal standa á odda fyri Kolding

Erik Ernesto Nielsen longt sáttmálan við Kolding

Í dag skuldi hann so fyri fyrstu ferð standa á odda fyri liðinum í dysti. Tann royndin eydnaðis væl, tá teir vunnu 0-2 á útivølli móti Skive. Tað var Rune Nautrup, ið skoraði bæði málini fyri Kolding. Tað fyrsta eftir tólv minuttir, og tað seinna í yvirtíðini í fyrra hálvleiki.

Hetta var seinasti dysturin hjá Kolding undan vetrarsteðginum. Kolding liggur á fjórða plássi í næstbestu deildini.

Kolding IF leitar framvegis eftir einum høvuðsvenjara, ið skal standa á odda fyri liðinum í seinnu hálvu.