Kronberg heldur fram í bláum

KÍ hevur longt við 34 ára gamla danan, sum verður í bláum til kappingarenda í 2022

Claes Philip Kronberg, sum kom til KÍ undan hesum kappingarárinum hevur nú longt við oddaliðið

34 ára gamli danin hevur í ár spælt 13 dystir fyri KÍ, og er skrásettur fyri 3 mál og 6 upplegg.

Claes Philip Kronborg og Mikkjal Thomassen, høvuðsvenjari (Mynd: KÍ) 

KÍ skal næstu dagarnar royna seg í Conference League.

Seinastu fyrireikingarnar vórðu gjørdar í kvøld, tá KÍ hevði venjing í Føroyum áðrenn dystin á útivølli hósdagin ímóti RFS í Lettlandi.

Norðlýsið skrivar, at leikararnir vórðu koronukannaðir aftaná venjingina í kvøld, og úrslitið er galdandi restina av vikuni. Tað merkir, at tað ikki verður neyðugt við fleiri kanningum áðrenn dystin.

Fyrrapartin í morgin fer KÍ-hópurin av landinum.

Dysturin ímóti RFS verður leiktur hósdagin klokkan 17.