Ari av Rana
Evropeiska fótbóltssamgongan, UEFA hevur tikið avgerð um, at komandi EM-undankapping hjá vinnum verður broytt soleiðis, at lægri undanskipaðu londini ikki skulu spæla innleiðandi kappingar, fyri at spæla seg víðari í sjálva undankappingini, men at øll londini fara beinleiðis í bólkaspælið.
Sostatt er greitt, at føroyska kvinnulandsliðið aftur skal spæla tíðandi dystir í 2019 og í 2020, skrivar heimasíðan hjá Fótbóltssambandinum.
- Um vit skulu flyta kvinnufótbóltin upp á eitt hægri støði, er hetta vegurin fram. Og nú vita vit eisini við vissu, at landsdystir verða á skránni næstu tvey árini, og tað er sera týdningarmikið fyri okkum spælarar, sigur Heidi Sevdal, sum farna fríggjadag fekk heiðurin sum ársins landsliðsspælari 2018.
Lutakastið til komandi EM-undankapping hjá kvinnum verður síðst i februar, meðan fyrstu dystirnir í kappingini verða í august.
Vinarliga broyt tínar kennifíla - og privatlívsstillingar fyri at síggja hetta innihald