Fótbóltur

Kvinnurnar leggja fyri leygardagin

Fyrstu dystirnar í Betrideildini hjá kvinnum og í næstbestu deildin hjá monnum verða leiktir leygardagin.

EBS/Skála er á vitjan hjá hinum felagsliðnum. HB hevur frí í 1. umfari
(Mynd: Jens Kr. Vang)

EBS/Skála er á vitjan hjá hinum felagsliðnum. HB hevur frí í 1. umfari (Mynd: Jens Kr. Vang)

2019-03-06 20:31 Author image
Agnar Prestá
placeholder

Stórsteypadystirnir sunnudagin vóru almenna startskotið til kappingarárið í fótbólti, men tað er nú í vikuskiftinum, at bólturin av álvara fer á rull. 

1. umfar í Betrideildini hjá monnum er á skránni sunnudagin, men áðrenn tað skulu kvinnurnar; eins og 1. deild hjá monnum, byrja sítt kappingarár. Í báðum deildunum eru fyrstu dystirnir leygardagin

Kvinnukappingin varð løgd, men so trekti B68 sítt lið úr og legði saman við ÍF/Víkingi. Harvið verða bert fimm lið í Betrideildini í ár. Nýggja felagsliðið byrjar ímóti einum øðrum felagsliðið. Greipuvinnarin frá í fjør er í nýggjum hami, og fær helst ein truplan dyst á útivølli í 1. umfari. KÍ er á heimavølli ímóti B36, ið er í menning. KÍ skal aftur royna at kappast um FM, og er favorittur leygardagin. HB, ið vann stórsigur í stórsteypadystinum, situr yvir í 1. umfari. 

13.00 KÍ - B36
15.00 ÍF/Víkingur/B68 - EBS/Skála

Sí alla skránna fyri Betrideildini á heimasíðuni hjá FSF

Í næstbestu deildini hjá monnum skal 07 Vestur stríðast fyri at flyta uppaftur, og vágemenn eru eisini favorittar til tað. Sí skránna fyri 1. umfar í 1. deild hjá monnum og fyri alt kappingarárið her

placeholder
placeholder