Kvinnurnar leggja aftur til brots í dag

Tað eru seks vikur síðani, at leikt varð í Betrideildini hjá kvinnum. KÍ fór, sum so ofta fyrr, í summarfrí á 1. plássinum, men tað er tætt millum liðini, og í dag eru tveir innnahýsis dystir millum tey liðini, sum kappast um heiðursmerki.

B36 skal vinna á NSÍ á heimavølli fyri at av álvara blanda seg upp í oddastríðið. NSÍ hevði eina heilt góða gongd fyri steðgin og vann 5-2, tá B36 vitjaði við Løkin fyrr í ár. 

Við Margáir spæla liðini, sum eru á ávíkavist 2. og 4. plássi. EBS/Skála hevur staðið seg betri enn tey allarflestu høvdu væntað og bjóðar aftur av álvara av í oddinum. HB kann koma undir liðuna á EBS/Skála við einum sigri - EBS/Skála vann fyrra dystin millum liðini í ár.

Víkingur og KÍ eru í leiklutinum sum stórfavorttur á útivølli, tá uppflytararnir taka ímóti. Víkingur hevur leikt ein dyst færri, enn hini liðini í stóra bólkinum, sum kappast í oddinum. Dysturin millum Víking og 07 Vestur á Dungasandi, sum er tann fyrsti í dag, verður vístur á Rás1. KÍ spælir á Argjum í kvøld

13. umfar 
Leygardagin 07.08

Eitt umfar frá fyrru hálvu er útsett, umframt ein dystur í einum øðrum umfari. Tí hevur eingin spælt fleiri enn ellivu dystir.

Talvur og tøl: FaroeSoccer