Kyndil tveitt venjaran til hús

Eitt umfar er leikt er í landskappingini í hondbólti hjá kvinnum, og fyrsti venjarin er longu tveittur til hús.

In.fo skrivar, at Paulo Costa ikki longur er venjari hjá kyndilskvinnum.

(Savnsmynd: Sverri Egholm)

Hann livdi ikki upp til krøvini, og Kyndil hevur tí gjørt skjótt av og slitið samstarvið.

Paulo Costa var frá 2015 til 2018 tekniskur samskipari hjá U20- og U18-monnunum hjá Porto. Frá 2018 til 2020 stóð hann á odda fyri fremsta kvinnuliðnum hjá Füsche Berlin, og frá 2020 til í ár vandi hann fremsta kvinnuliðið hjá Maiastars í Portugal.

Kyndil vann fyri tveimum vikum síðani 30-23 á H71 í stórsteypadystinum, men fyri viku síðani gekk illa hjá teimum grønu. Tá blivu tær settar uppá pláss av Neistanum við úrslitinum 30-20.

Sunnudagin spælir Kyndil móti StÍF, og tá verður tað sambært in.fo við Geir Wardum sum venjara.

Geir Wardum hevur áður verið venjari hjá kyndilskvinnum (Savnsmynd: Jens Kr. Vang)