Lagnan hjá Liverpool og Chelsea verður avgjørd í kvøld

16 feløg spæla í kvøld sín seinasta dyst í ársins bólkaspæli í Champions League, og allir bólkarnir eru sera spennandi.

Bólkur E: 
17.55: Napoli - Genk
          Salzburg - Liverpool

Meistararnir skulu helst hava eitt stig í dystinum, tí Napoli er stórfavorittur á heimavølli móti Genk, og Liverpool klárar helst ikki at koma víðari við einum tapi, tí Salzburg skoraði heili trý mál á Anfield, og innanhýsis málmunurin telur. Norska stjørnuskotið, Erling Braut Haaland, hevur skorað í øllum fimm Champions Leagur dystunum - eitt av teimum átta koma á Anfield. Liverpool hevur tó allarhelst ov nógvan klassa til at lata plássið gleppa sær av hondum.

Støðan: 
Liverpool 10
Napoli 9
Salzburg 7
Genk 1

Bólkur F:
20.00: Inter Milan - Barcelona
           Dormund - Slavia Prag

Barcelona er víðari, men spælir ein umráðandi leiklut í bólkinum, tí í kvøld vitja katalanarnir í Milano. Inter skal vinna, so er liðið víðari, tí innahýsis er liðið hja Conte betri enn Dortmund. Møguleikan hjá oddaliðnum í Serie A er vorðin størri, eftir at tað er vorið greitt, at  Lionel Messi ikki er við í hópinum hjá Barcelona í kvøld - heimsins besti leikari verður spardur. Jordi Alba, Gerard Pique og aðrir fastir menn mangla eisini, men í Dortmund verður vónað, at ein hjálpandi hon verður givin.

Støðan:
Barcelona 11
Inter 7
Dortmund 7
Slavia Prag 2

Bólkur G:

20.00: Benfica - Zenit
          Lyon - RB Leipzig

Støðan: 
RB Leipzig 10
Zenit 7
Lyon 7
Benfica 4

Týska liðið er víðari, meðan hart stríð er um 2. plássið. Zenit hevur bestu kortini á hondini í hesum stríðnum. 

Bólkur H:

20.00: Ajax - Valencia
          Chelsea - Lille

Ein gysari er fyri framman í Amsterdam, har Ajax bert tørvar eitt stig fyri at spæla seg víðari. Valencia skal vinna, meðan Chelsea eisini "bara" skal vinna á heimavølli móri Lille. 

Støðan:
Ajax 10
Chelsea 8
Valencia 8 
Lille 1