Fótbóltur

Lagnan hjá Liverpool og Tottenham verður avgjørd í kvøld

Tvey av toppfeløgunum í Onglandi skulu loysa truplar uppgávur í kvøld fyri at koma víðari í Champions League.

Tottenham og Liverpool skulu stríðast fyri at koma víðari í kvøld
(Mynd: EPA)

Tottenham og Liverpool skulu stríðast fyri at koma víðari í kvøld (Mynd: EPA)

2018-12-11 15:59 Author image
Agnar Prestá
placeholder

Seinasta umfar í bólkaspælinum í Champions League fer í gongd í kvøld. Í "fyrru helvt" er spenningur í tveimum bólkum; tað er talan um teir báðar bólkarnar, ið sóu mest spennandi út á pappírinum eftir lutakastið. 

Í bólki B og í bólki C stríðast fimm lið um trý pláss. Barcelona er longu víðari sum vinnari av bólki B. Í kvøld er Tottenham á vitjan hjá spanska oddaliðnum og hevur tørv á at fáa líka nógv stig, sum Inter fær á heimavølli móti PSV. Har er tað mest sannlíkt, at Inter vinnur, so liðið hjá Pochettino stendur yvirfyri einari stórari uppgávu, hóast Barcelona einki hevur at spæla fyri. Eftir eina vánaliga byrjan við einum stigi fyrstu tríggar dystirnar hevur Tottenham givið sær sjálvum møguleikan at koma víðari við tveimum heimasigrum, og er betri enn Inter innanhýsis.  

Í hinum "dynamittbólkinum" hava Napoli og PSG fyrimunin. Møguleikin hjá Liverpool er tó rímiliga góður. Fyri at koma víðari skal oddaliðið í Premier League vinna 1-0 ella við tveimum málum á heimavølli móti Napoli. Liðið hjá Jurgen Klopp hevur tapt allar útidystirnar í bólkinum, men vunnið báðar heimadystirnar og Anfield er nakað serstakt - serliga í evropeiskum høpi. PSG hevur sína lagnu í egnu hondum. Liverpool tapti og Napoli spældi javnti Beograd, so talan er ikki um nakra lætta uppgávu hjá franska stórfelagnum.

Í bólki A dystast Atletico og Dortmund um fyrsta plássið í bólkinum.  

Bólkur A: 
Atletico Madrid 12
Dortmund 10

Club Brugge 5
Monaco 1

20.00: Club Brugge - Atletico Madrid 
          Monaco - Dortmund     

Bólkur B:
Barcelona 13
Tottenham 7
Inter 7
PSV 1

20.00: Inter - PSV    
          Barcelona - Tottenham  

Bólkur C: 
Napoli 9
PSG 8
Liverpool 6
Reyða Stjørna 4

20.00: Liverpool - Napoli 
          Reyða Stjørna - PSG 

Bólkur D:
Porto 13
Schalke 04 8

Galatasaray 4
Lokomotiv Moskva 3

17.55: Schalke - Lokomotiv Moskva 
           Galatasaray - Porto

placeholder
placeholder