Fótbóltur

Lagt verður longu aftur til brots leygardagin

Fyrsti dysturin í 4. umfari í Betrideildini verður spældur á Skála 6. apríl klokkan 17. Føroyameistararnir vitja annan uppflytaran - sunnudagin eru hinir fýra dystirnir á skránni, og tvey ymisk tíðspunkt eru.

Mads Boe Mikkelsen og KÍ vitja Jan Ingason Hansen og Skála í fyrsta dystinum í 4. umfari (Savnsmynd: Sverri Egholm)

2024-04-04 19:02

Agnar Prestá

Eftir landsliðssteðg varð 3. umfar í Betrideildini hjá monnum spælt 2. páskadag og týskvøldið.

Støðan eftir trý umfør:
1. B36 9 stig
2. Víkingur 9 stig
3. KÍ 6 stig
4. HB 6 stig
5. 07 Vestur 6 stig
6. NSÍ 3 stig
7. Skála 3 stig
8. EB/Streymur 1 stig
9. B68 1 stig
10. ÍF 0 stig

4. umfar byrjar leygardagin, tá uppflytarin Skála tekur ímóti KÍ. Trífaldu føroyameistararnir hava havt heldur tvørliga byrjan uppá 2024 men kunnu koma upp á níggju stig, um tað eydnast at vinna á Skála.

Fýra dystir eru sunnudagin, harav tríggir byrja klokkan 15 og tann eini - tann á Toftum - klokkan 17.

Mynd: fsf.fo

Tað eru rímiliga greiðir favorittar í flestu dystunum í umfarinum, men ymiskt bendir eisini á, at fleiri verða áhugaverdir og spennandi.

Vinarliga broyt tínar kennifíla - og privatlívsstillingar fyri at síggja hetta innihald