Lagt verður til brots leygardagin

Nú er ikki nógv eftir av niðurteljingini. Sum vant gleða føroyskir fótbóltsfjepparar seg nógv til mars, tá liðini aftur skulu spæla um stig.

1. deild hjá monnum byrjar leygardagin, NSÍ og KÍ spæla stórsteypadystin hjá kvinnum, og so er fyrsti dysturin í bestu mansdeildini á skránni 8. mars.

Hann verður spældur í Sørvági , har Víkingur vitjar 07 Vestur. Eitt lið hevur verið fyri fáum broytingum í vetur og sær sterkt út; Víkingur verður eisini mett sum eitt lið, ið kann bjóða av millum tey allarfremstu aftur.

Útifrá eru fleiri spurnartekin við 07 Vestur, tí so stór útskifting hevur verið í spælarahópinum - umframt at nýggjur høvuðsvenjari er. Allarflestu av nýggju spælarunum hava ikki spælt í Føroyum áður, so tað verður áhugavert at síggja. Dysturin byrjar klokkan 17.

Hildið verður fram sunnudagin, tá hini átta liðini í Betrideildini hjá monnum skulu í eldin. Mest spennandi dysturin á pappírinum er helst tann í Gundadali, har uppflytararnir NSÍ vitja. Dystirnir eru nakað spjaddir út, so til ber at síggja fleiri dystir um ein hevur hug til tað.

Skíggjamynd: FSF

HER sæst yvirlit yvir dómarar í 1. umfari.

Portalurin fer sum vant at fylgja væl við. Vit hava beinleiðis dagføringar á forsíðu okkara til allar dystirnar - í nýggjum skapi og í samstarvi við dystir.fo. Vit hava eisini myndir, dystarfrásøgnir o.a.