Landsdystirnir móti Ukraina útsettir

Hondbólturin í Føroyum er niðurlagdir komandi tvær vikurnar, og nú er greitt, at kvinnulandsdystirnir, sum skuldu verða síðst í hesum mánaðinum eru útsettir.

Hesum boðar Hondbóltssamband Føroya frá seinnapartin. 

EHF, evropeiska hondbóltssamgongan, hevur í dag boðað frá, at orsaka av truplu støðuni við Corona-smittuni eru allir EM-undankappingardystirnir í mars útsettir.

Fyri føroyska kvinnulandsliðið er talan um dystin heima móti Ukraina 25. mars og úti móti Ukraina 29. mars. Dystirnir eru útsettir til fyrstu viku í juni mánaði.