Hondbóltur

Óli Mittún og Jóhan á Plógv Hansen á vikuliðnum í Danmark

Báðir skoraðu níggju mál og vóru flúgvandi síðsta vikuskifti - Óli toppskjútti hjá oddaliðnum og Jóhan toppskjútti í Aalborg móti meistarunum seinastu árini.

Óli Mittún hevur verið flúgvandi hetta kappingarárið og skoraði eisini samanlagt 15 ferðir í tveimum landsdystum herfyri (Mynd: Sverri Egholm)

Óli Mittún hevur verið flúgvandi hetta kappingarárið og skoraði eisini samanlagt 15 ferðir í tveimum landsdystum herfyri (Mynd: Sverri Egholm)

2026-11-17 20:55 Author image
Agnar Prestá
placeholder

Vikuliðið fyri 13. umfar í fremstu donsku mansdeildini í hondbólti er sett, og tveir føroyingar eru á tí:

Jóhan á Plógv Hansen hjá Skanderborg AGF er høgri vongur, og Óli Mittún úr GOG er spælskipari.

[object Object]
Mynd: Tophåndbold Herrer

Báðir skoraðu níggju mál: Óli 9/10 í tryggum heimasigri móti Bjerringbro-Silkeborg, har hvirluvindurin varð toppskjútti og gjørdi onkur serliga flott mál.

Jóhan á Plógv Hansen var eisini toppskjútti við níggju málum - hevði ellivu skot - tá Skanderborg AGF óvæntað vann í Aalborg: 29-27 til Jóhan og teir móti donsku meistarunum.

[object Object]

[object Object]
Flottu tølini hjá føroyingunum, sum eru frammarlaga í bestu donsku deildini (Mynd: Tophåndbold Herrer)

Í løtuni er GOG greitt oddalið í grundspælinum: Liðið av Fjóni er ósigrað við 25 stigum, og seks stig eru niður til Aalborg  - Óli Mittún hevur átt risastóran leiklut í hesum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder