Fótbóltur

Mótstøðulið í mars: Hesum dystunum skulu vit halda eyga við í kvøld

Norðurmakedónia er endað aftast í sínum bólki, men hinir møguleikarnir hjá Føroyum skulu finnast seinni. Lið sum Ukraina, Georgia, Rumenia, Pólland og Ísrael eru uppá tal.

Føroyar vunnu seg upp á 2. plássið í gjár (Mynd: Sverri Egholm)

Føroyar vunnu seg upp á 2. plássið í gjár (Mynd: Sverri Egholm)

2026-11-17 12:00 Author image
Agnar Prestá
placeholder

Føroysku fótbóltsmenninir gjørdu sítt móti Moldova í gjár og tryggjaðu á fyrsta sinni Føroyum røkkstøkkdystir um at koma upp í næsthægstu deildina í Nations League.

Sí eisini: Megnaravrik móti Moldova rakk til røkkstøkkdystir í mars

Nú bíðar man eftir at fáa greiðu á, hvørjum Føroyar skulu spæla teir báðar røkkstøkkdystirnar ímóti síðst í mars 2027.

Mótstøðuliði verður eitt av teimum, sum endar aftast í sínum bólki í B-deildini nú.

Bólkur 1 er liðugur, og har endaði Norðurmakedónia aftast uttan at fáa nakað stig. Hetta hevði verið eitt á pappírinum gott mótstøðulið hjá Føroyum at fáa; eitt nakað veikari lið enn Slovakia til dømis.

Í kvøld verður avgjørt, hvørji hini trý liðini vera í pottinum fríggjadagin, tá lutkastið verður.

Bólkur 1:
Norðurmakedónia - endaðir aftast við ongum stigi

Bólkur 2: 
Ukraina - Georgia 

Her liggur stríðið millum Ukraina og Georgia, sum spæla í Slovakia. Georgia er tvey stig aftanfyri í løtuni og skal harvið vinna fyri at yvirhála. Ukrainar standa seg við javnleiki.

Bólkur 3: 
Ísrael - Eysturríki
Írland - Kosovo

Ísrael er aftast við trimum stigum og skal vinna á oddaliðnum fyri at yvirhála Ísrael og Kosovo, sum hava ávikavist 5 og 3 stig.

Bólkur 4:
Bosnia - Rumenia 
Pólland- Svøríki

Pólland hevur fýra stig og Rumenia trý stig, og stríðið stendur millum hesi í kvøld. 

Lutakast verður fríggjadagin 20. november klokkan 11.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder