Um góðar tvær vikur skal A-landsliðið við monnum í eldin aftur, tá UEFA Nations League verður sparkað í gongd. Fyrsti dysturin er á heimavølli móti Malta fríggjadagin 7. september, og tríggjar dagar seinni skal føroyska liðið spæla á útivølli móti Kosovo.
Í hesum sambandi verður skipað fyri tíðindafundi í FSF-húsinum mánadagin 27. august. Á tíðindafundinum fer Lars Olsen, landsliðsvenjari, at úttaka endaliga hópin til dystirnar móti Malta og Kosova, skrivar Fótbóltssambandið á heimasíðu síni.
23 spælarar skulu boðsendast, men longu nú er greitt, at Gunnar Nielsen, Sonni Ragnar Nattestad, Heini Vatnsdal, Viljormur Davidsen, Rene Shaki Joensen, Rógvi Baldvinsson, Hallur Hansson, Kaj Leo í Bartalsstovu, Brandur Hendriksson Olsen, Gilli Rólantsson Sørensen, Finnur Justinussen og Jóan Símun Edmundsson verða í fyrsta Nations League-hópinum hjá landsliðsvenjaranum.
Vinarliga broyt tínar kennifíla - og privatlívsstillingar fyri at síggja hetta innihald