Landsliðið við monnum í flogbólti farið til Íslands

Fyrsti partur av føroysku luttøkuni hjá mannslandsliðnum í Silver League verður um vikuskiftið í Íslandi. Her skulu føroysku mennirnir fyrst leika ímóti Íslandi. Hesin dystyurin verður fríggjakvøldið kl. 19 føroyska tíð.

Hin dysturin á hesi ferðini verður ímóti Ísrael. Hann verður vpældur leygardagin kl. 15 føroyska tíð.

Sunnudagin leika Ísland og Ísrael. Av trygdarávum, hevur íslendska flogbóltssambandi – BLÍ – saman við íslendskum myndugleikum gjørt av, at dystirnir hjá Ísrael verða uttan áskoðarar.

Næsta umfarið hjá føroysku monnunum veður í Føroyum 24. til 26. mai í høllini á Hálsi í Havn. Her leika mennirnir aftur ímóti Íslandi fríggjadagin 24. mai og ímóti Eysturríki 26. mai.

Síðsta umfarið verður í Eysturríki, har mennirnir 7. og 8. juni skulu leika ímóti Eysturríki og Ísrael.

Tvey tey fremstu liðini í bólkinum leika síðani finalu hin 15. juni.

Føroyski venjarin, Boban Ilic, og hjálparvenjarin, Oleksandr Dmytriiev, hava úttikið hendan brutto hópin til øll trý umførini:

Thorvald Danielsen (6), Mjølnir
Vuk Ilic (9), ÍF
Filip Ilic (5), ÍF
Bjarni Joensen (14), Ikast KFUM
Jóhan Arni Elison Want (11), Mjølnir
Hjørtur Joensen (4), SÍ
Ingálvur Eyðunsson Olsen (10), Fleyr
Hákun Nón (1), ÍF
Tóki í Haraldssovu (12), SÍ
Elias Ellingsgaard Petersen (7), SÍ
Tórður Højsted Gunnarsson (16), Fleyr
Ólavur Johannesen (2), Mjølnir
Símun Hoydal Poulsen (13), Mjølnir
Silas Poulsen (8), SÍ
Áslakur Petersson Holm (15), Hvidovre VK
Hákun Heinason (3), Amager VK