Leingir við oddaliðið

28 ára gamli serbin, Deni Pavlovic, hevur longt sáttmálan við KÍ fram til og við kappingarárið 2023.

Hesum boðar KÍ frá á heimasíðuni.

Deni Pavlovic kom til KÍ undan kappingarbyrjan í 2018, og hevur verið drúgvur. Hann hevur higartil leikt 97 dystir fyri KÍ og skorað 13 mál.

Deni Pavlovic skoraði eitt mál í fimm-málssigrinum móti B68 sunnudagin, og tað var samstundis hansara fyrsta í ár í Betri deildini.

(Mynd: Sverri Egholm)

KÍ liggur greitt á odda í Betri deildini hjá monnum. Við 59 stigum, og 12 stig niður til Víking á øðrum plássi, tykist greitt fyri øllum, at føroyameistaraheitið í ár fer til Klaksvíkar.