Alda Nielsdóttir
Lagt er upp til ein spennandi dyst á Victoria Stadium, har Gibraltar tekur ímóti føroysku kvinnunum, og nú er eisini greitt, hvussu føroyska byrjunaruppstillingin sær út.
Valborg Østerø byrjar í málinum, og í verjupartinum sleppur Julia Helena Dal Henriksen hesaferð at byrja á høgra bakki, meðan Birita Ryan, Rakul Maria Johannesen, Sarita Maria Mittfoss og Ásla Johannesen allar hava fingið afturval.
Kára Djurhuus mannar í dag føroyska miðvøllin saman við Sannu Svarvadal og Heidi Sevdal, meðan Julia Naomi Mortensen og Tóra Mohr byrja sum fremstu føroysku spælararnir, skrivar Fótbóltssambandið á heimasíðuna.
Á føroyska bonkinum eru Monika Biskopstø, Maria á Lakjuni, Olga Kristina Hansen, Rúna Jacobsen, Mirjam Huneck og Lena Olsen.
Dysturin millum Gibraltar og Føroyar byrjar kl. 12.30 føroyska tíð, og hann kann stroymast her.
Vinarliga broyt tínar kennifíla - og privatlívsstillingar fyri at síggja hetta innihald