Lutakast til EM-kapping hjá U18 og U20 monnum verður mánadagin

Dreingirnir ið vunnu European Open í summar eru nú farnir ein árgang upp og hava tvær spennandi uppgávur komandi ár. U20 mennirnir skulu til Lettland komandi summar.

Til European Open í summar (Mynd: Harald Bjørgvin)

2019-11-01 16:58

Agnar Prestá

Mánadagin 4. november verður lutakast til EM-kappingarnar hjá U18 og U20 monnu m komandi ár. Hetta boðar Hondbóltssambandi frá.

U18 dreingirnir, ið vunnu European Open á sumri í 2019 sum U17-landslið, skulu spæla EM kapping í Bulgaria í døgunum 13.-23. august. Teir kunnu koma í bólk saman við Hvítarusslandi, Kekkia, Finnlandi, Bulgaria, Stóra Brettlandi ella Litava.

U20 mennirnir skulu eisini spæla EM-kapping. Tann kappingin verður í Lettlandi í døgunum 3.-12. juli. Teir kunnu koma í bólk saman við Póllandi, Kekkia, Slovakia, Montenegro, Finnlandi, Estlandi, Grikkalandi ella Bosnia.

U18 landsliðið hevur longu eina uppgávu millum jól og nýggjár. Eftir U17-dreingirnir vunnu European Open í summar, vóru teir bodnir til eina U18 kapping í Merzig í Týsklandi. Kappingin eitur Sparkassen Cup, og verður í døgunum 26.-30. desember í ár. Liðini, ið luttaka í kappingini eru Týskland, týski landsluturin Saarland, Hvítarussland, Niðurlond, Sveis, Italia og Ísland. Føroyar eru komin í bólk saman við Saarlandi, Niðurlondum og Hvítarusslandi.

Dystarskrá:
Fríggjadagin, 27.12.19, kl. 17.20 móti Hvítarusslandi
Leygardagin, 28.12.19, kl. 13 móti Niðurlond og kl. 18.20 móti Saarland.
Sunnudagin, 29.12.19, eru dystir um sjeynda, fimta, triðja og fyrsta pláss.

Vinarliga broyt tínar kennifíla - og privatlívsstillingar fyri at síggja hetta innihald