Lutakast verður í Sarpugerði í morgin

FSF: NSÍ, Víkingur, HB og B36 vera í stóra glasbollanum, tá tað mikukvøldið skal finnast fram til, hvør skal møta hvørjum í hálvfinalunum í steypakappingini hjá kvinnum

Lutakastið verður mikukvøldið 19. juni, beint aftaná seinnu hálvfinaluna um Løgmanssteypið millum Víking og HB.

Lutakastið verður avgreitt í Víkingahúsinum í Sarpugerði og víst beinleiðis á Rás 1 í Televarpinum.

Fyrsta umfar varð spælt mikukvøldið 12. juni, og tá avtornaði høvdu NSÍ, Víkingur, HB og B36 spælt seg víðari til hálvfinalurnar, sum eru á skránni 27 august og 25. september.

Sí eisini: Soleiðis komu NSÍ, Víkingur, HB og B36 víðari

Finalan í steypakappingini hjá kvinnum verður á Tórsvølli leygardagin 5. oktober.