
B36 fekk eitt fornuftigt útgangstøði og eitt fínt úrslit fyri føroyskan fótbólt, tá OFK Titograd úr Montenegro vitjaði í Gundadali í kvøld. Tað endaði við málleysum javnleiki, og tískil fekk steypavinnarin úr Montenegro einki útivallarmál við sær.
Tað var OFK Titograd, um legði betri út í Gundadali, og við nøkrum deyðbóltum og innleggum fingu teir lagt eitt ávít trýst á málið hjá Róa Mørk Hentze fyrstu minuttirnar. Tað var serliga við deyðbóltum, at liðið úr Montenegro hótti í 1.hálvleiki.
B36 kom skjótt væl inn í dystin; heimaliðið fekk fatur á bóltinum, flutti hann væl, vann nógvar nærdystir og 2.bóltar, og skapti nakrar góðar støður. Har kom tó einki mál í 1.hálvleiki, har tað leikaði javnt á, men B36 var kanska eitt vet omaná – í øllum førum eitt sindur meira vandamikið.
Tað helt á við at vera ein javnur dystur uttan stórar málmøguleikar teir fyrstu tjúgu minuttirnar av 2.hálvleiki. B36-leikararnir stríddust sera væl, og við góðum trekkum frá Meinhardi Olsen og Lukasz Cieslewicz komu B36 til einstakr støður. Men sum dysturin leið tók Titograd meira yvir, og hevði nakrar góðar málmøguleikar, og B36-leikararnir tyktust heldur møddir. Rói í B36-málinum hevði nakrar góðar bjargingar.
Jákup og hansara menn tyktust rímiliga nøgdir við 0-0 støðuna, og tað gjørdist ikk italan um nakað trýst ímóti endanum av dystinum.
Returdysturin verður í Podgorcia um eina viku.
Evropa League fyrsta unanumfar, fyrsti dystur
Gundadalur 12.07 kl.19.00
B36 – OFK Titograd Podgorcia 0-0 (0-0)
Áskoðarar: 611
Liðið hjá B36 í dag:
Rói Mørk Hentze - Ragnar Samuelsen(’82 Gilli Samuelsen), Bjarni Petersen, Odmar Færø(L), Alex Mellemgaard - Magnus Holm Jacobsen(’74 Hugin Samuelsen), Eli F. Nielsen - Meinhard E. Olsen, Lukasz Cieslewicz, Erlendur Magnussen(’69 Benjamin Heinesen) - Kaimar Saag
Vinarliga broyt tínar kennifíla - og privatlívsstillingar fyri at síggja hetta innihald