Fótbóltur

Málskjúttin seinastu dystirnar í miðverjuni

Sonni Ragnar hevur leikbann, og Gunnar Vatnhamar verður fluttur aftur í miðverjuna. Hallur og Brandur eru aftur á miðjuni.

Gunnar Vatnhamar, her í dysti móti Malta á Tórsvølli. Í dag verður leirvíkingurin í miðverjuni, har hann eisini spælir fyri Víking (Mynd: Jens Kr. Vang)

Gunnar Vatnhamar, her í dysti móti Malta á Tórsvølli. Í dag verður leirvíkingurin í miðverjuni, har hann eisini spælir fyri Víking (Mynd: Jens Kr. Vang)

2020-11-17 18:33 Author image
Agnar Prestá
placeholder

Føroyingarnir eru við at vera til reiðar á Malta. Føroyska liðið kom til Malta sunnunáttina, og síðani hava tvær venjingar verið á skránni. Seinnapartin sunnudagin varð vant á venjingarvøllinum beint uttanfyri tjóðarleikvøllin, og á middegi mánadagin vandi føroyski hópurin á sjálvum vøllinum, har dysturin skal spælast.

Les eisini: Avgerðin fellur á Malta í kvøld

Nú er liðið sett, og heilt sum væntað eru Brandur Hendriksson og Hallur Hansson aftur á miðvøllinum, eftir at teir sótu yvir leygardagin vegna leikbann. Rógvi Baldvinsson byrjar hesaferð á bonkinum, meðan Gunnar Vatnhamar verður fluttur aftur í miðverjuna, har plássið við síðuna av Odmari Færø er tøkt, tí Sonni Ragnar Nattestad hevur leikbann. Gunnar skoraði í Lettlandi og eisini í Litava í farnu viku men skal nú fyrst og fremst hugsavna seg um at venja. Seinastu tíðina hevur leirvíkingurin spælt fast í miðverjuni hjá Víkingi. Heini Vatnsdal er skaðadarvaður og tí ikki við, og venjartoymi hevur í hesum førunum ikki valt at nýtt ein av HB-miðverjunum, ið eru í hópinum; Heðin Hansen og Bartal Wardum.

Teitur Gestsson, bakkarnir, áleyparnir og Bjartalíð og Sølvi á miðvøllinum hava fingið afturval


Føroyar (4-4-2): 
Teitur Matras Gestsson - Gilli Rólantsson Sørensen, Odmar Færø, Gunnar Vatnhamar, Viljormur Davidsen - Sølvi Vatnhamar, Brandur Hendriksson Olsen, Hallur Hansson, Jóannes Bjartalíð - Meinhard Egilsson Olsen, Klæmint Andrasson Olsen.

Eykaspælarar: Gunnar Nielsen, Kristian Joensen, Jóannes Kalsø Danielsen, Ári Mohr Jónsson, Magnus Holm Jacobsen, Kaj Leo í Bartalsstovu, Adrian Justinussen, Rógvi Baldvinsson, Bartal Wardum, Dan í Soylu, Heðin Hansen og Hilmar Leon Jakobsen.

UEFA Nations League dysturin millum Malta og Føroyar verður bríkslaður í gongd klokkan 20:45 lokala tíð á Malta. Tað er klokkan 19:45 føroyska tíð, og dysturin verður vístur í Kringvarpinum. Vit dagføra beinleiðis á forsíðu okkara.

placeholder
placeholder