Maria Biskopstø og Rebekka Fuglø í finaluni

Fríggjadagin má fylgjast við á rennibreytini á Gibraltar. Tá fara Maria Biskopstø og Rebekka Fuglø at renna í finaluni í 800 metrum hjá kvinnum.

Um middagsleitið runnu tær seg í finaluna. Maria sum nummar tvey í sínum riðli og Rebekka Fuglø á fyrsta plássi í sínum.

Maria Biskopstø, 2:16.95
Rebekka Fuglø 2:15.27

Julian Gregersen í 1500 metrum lá eina løtu síðsta umfar á fjórða plássi, men varð yvirhálaður fáar metrar fyri mállinjuna.

Fyrrapartin gekk eisini væl. Tórur Mortensen rann seg í hálvfinaluna í 100 metrum og Margit Weihe Fríðmundsdóttir og Elisabet Holm Simonsen komu víðari til hálvfinaluna í 200 metrum.