Mark Lausen-Marcher settur sum samskipari hjá Hondbóltsambandinum

Hann spældi í fleiri át í H71, har hann var við at vinna felagnum nøkur gullheiðursmerki. Hann hevur havt ein umráðandi leiklut í stóru menningini innan hondbóltin í Hoyvík seinastu árini. Í summar førdi hann, saman við Julian Johansen, U17-landsliðið við dreingir til gull í European Open í Göteborg.

Nú skal 28-ára gamli danin Mark Lausen-Marcher standa á odda fyri ítrottarliga partinum hjá Hondbóltssambandinum. Her er bæði talan um landsliðsarbeiði og breiddarhondbóltin. 

HSF skrivar, tað leingi hevur verið eitt ynski at menna júst breiddarhondbóltin og í tí sambandi styrkja tey feløgini, ið hava avbjóðingar við at menna hondbóltin. Staarvsnevndin metir, at tað er ein fyrimunir at hava fleiri fólk í HSF við  hondbóltsfakliga vitan og royndum. Har verður mett, at Mark egnar seg væl til at røkja hendan leiklutin.