Meinhard Joensen verjir TB málið fyribils

40 ára gamli málverjin hjá Kí, Meinhard P. Joensen, skal verja málið hjá TB komandi tveir dystirnar.

Eftir at fyrsti málverji hjá TB, Frederik Mehder, fekk heilaskjálvta í dysti farna vikuskifti, hava TB og KÍ gjørt avtalu um at leiga eykamálverjan hjá klaksvíkingum komandi tveir dystirnar, tá TB skal møta B36 og Víkingi. Hetta skrivar Norðlýsið í dag.

Eykamálverjin hjá TB, John Jacobsen, stóð í TB málinum, tá tvørámenn leygardagin sældu móti EB/Streymi og taptu 2-0.

Undantak eru í fótbóltsreglunum, sum gevur feløgum loyvi at leiga málverja frá øðrum felag, um fyrsti málverji gerst skaddur. Í 2016 leigaði TB eisini Meinhard Joensen í tríggjar dagar mitt í kappingini, veit Norðlýsið at siga.

Umframt KÍ og tríggjar dystir fyri TB í 2016, hevur Meinhard P. Joensen eisini staðið í mál fyri B36 í fýra ár og í NSÍ í eitt.