Mest sannlíkt eingin søla við hurðina til steypafinalurnar

- Stórur áhugi er fyri finalunum og gongur atgongumerkjasølan sera væl til kvinnu- og mansfinaluna.

Hetta skrivar Hondbóltssamband Føroya seinnapartin.

Fyri fyrstu ferð verða steypafinalurnar spældar í Hoyvík. Hetta í nýggju stórhøllini við Tjarnir. Har er pláss fyri nakað yvir 3.000 áskoðarum til hondbóltsdystir.

Leygardagin var móttøka við Tjarnir - nú snýr tað seg um finalur í høllini (Savnsmynd: Jens Kr. Vang)

Sambært HSF eru góð sannlíkindi fyri, at tað verður útselt áðrenn leygardagin. Í so verður í so fall eingin søla við hurðina til vaksnamannafinalurnar.  Sum nú er, eru umleið 3.000 atgongumerki seld.

Í mun til pláss, so eru atgongmerkini ikki til ávís pláss. Tó verður víst til nøkur støð í høllini, har fjepparar hjá ávisu feløgunum helst skulu sita:

- Atgongumerkini til steypafinalurnar eru ikki til ávís setur, men verður víst til at Kyndil og Neistin sita á eystar síðu til kvinnufinaluna, hareftir at teirra áskoðarar skulu flyta yvir um á vestaru síða, um tey ynskja at síggja mansfinaluna eisini. Áskoðararnir hjá VÍF og H71 kunnu hareftir sessast á eystaru síðu til mansfinaluna.

Mynd: hsf.fo

Atgongumerkini til Faxe Kondi finalurnar - eisini hjá teimum yngru - fáast til sølu á atgongumerki.fo.

Leiksskráin
Fríggjadagin 21. februar:
kl. 18.30 G16: Kyndil – Neistin
kl. 20.00 D16: Neistin – H71 a

Leygardagin 22. februar:
kl. 09.00 G10B: EB a – Tjaldur a
kl. 09.40 D10B: H71 b – Neistin c
kl. 10.20 G12B: EB a – H71 c
kl. 11.10 D12B: ÍA a – SÍF
kl. 12.00 G10A: H71 a – VÍF a
kl. 12.40 D10A: H71 c – Kyndil a
kl. 13.20 G12A: H71 a – StÍF a
kl. 14.20 D12A: H71 a – Kyndil a
kl. 17.00 Kvinnur: Neistin – Kyndil
kl. 19.30 Menn: H71 – VÍF

Sunnudagur 23. februar:
kl. 13.00 Eydnudeildin
kl. 14.00 G14B: Søljan – Tjaldur
kl. 15.00 D14B: Tjaldur – Team Klaksvík
kl. 16.00 G14A: H71 a – Kyndil a
kl. 17.00 D14A: H71 a – Kyndil
kl. 18.00 G18: H71 – Kyndil
kl. 19.30 D18: H71 – VÍF