![placeholder](https://roysni.fo/css/img/banner2x1.png)
Hósdagin gjørdist føroyska Anna Sofía Jørgensen heimsmeistari í backgammon saman við bretska Oliver Squire, tá tey luttóku í heimsmeistarakappingini fyri pør á backgammonstevnu í Aachen í Týsklandi.
Hetta var fyrstu ferð, at skipað varð fyri slíkari kapping, og eru Anna Sofía Jørgensen og Oliver Squire sostatt fyrstu heimsmeistarar í backgammon fyri pør.
Anna Sofía byrjaði at spæla backgammon fyri at venja heilan uppaftur, eftir at hon hevði fingið epilepsi og hevði havt nógvar heilaskjálvtar og krampar.
Hon byrjaði at leita sær vitan um backgammon á netinum, og fekk eisini hjálp fra einum lærara, sum fekk hana inn í danska backgammonumhvørvið. Í september í fjør fór hon til sína fyrstu kapping.
Sambært Onnu Sofíu hevur tað at spæla backgammon hjálpt henni sera nógv.
– Tað hevur gingið nógv betur í skúlanum og við øllum sum heild síðan, sigur hon við Blaðið Vikuskifti.
Vinarliga broyt tínar kennifíla - og privatlívsstillingar fyri at síggja hetta innihald