Mjølnir og ÍF fyrstu steypavinnararnir hjá teimum yngru

Stóra flogbólts- steypafinaluvikuskifti fyri tey yngru fór í gongd í Kollafirði í kvøld. Tvær finalur vóru: Nøkur av elstu ungdómsliðunum vóru í eldinum, og talan gjørdist um góðar finalur.

Í mun til hjá teimum vaksnu, veður her spælt fyrst upp í tvey - í mesta lagi trý sett.

U19 kvinnur: Mjølnir - SÍ 2-1 (25-16 18-25 15-10)

Mjølnir kvinnurnar høvdu eina sera góða byrjan. Álopini hjá Mjølnir vóru hørð og sótu væl. SÍ stríddist og royndi fyri tað mesta at taka ímótið álopunum frá Mjølnir, sum tó vann 1. setti sannførandi: 25-16.

Annað settið byrjaði heilt øðrvísi. Nú var vent í holini, tí SÍ hevði bæði avbjóðandi servur og álop. Hóast SÍ var frammanfyri, misti Mjølnir ikki mótið og stríddi seg upp á 18 stig - men sørvágskvinnur javnaðu í setti.

Triða og avgerðandi settið byrjaði púra javnt. Men, tá á stóð megnaði Mjølnir at hála sigurin í hús 15-10.

Dagsins leikari var Elisabeth Norðoy Vilhelmsen

Kvinnuunglingar: Ternan - ÍF 0-2 (21-25 23-25)

Tað var ein tættur dystir millum Ternuna og ÍF.

Í fyrsta setti spældi Ternan trygt, men ÍF fekk neyðugu stigini.

Í øðrum setti rættaði ÍF um feilirnar frá fyrsta setti. og serliga hevði Hákun Nón góðar mótøkur, blokk og smash.

ÍF sá út til at vinna dystin, tá støðan var 20-24, men tá kempaði Ternan seg aftur inn í dystin. ÍF tók sítt fyrsta time out í dystinum tá støðan var 22-24 og sítt seinna time out tá støðan var 23-24. Seinasta og avgerðandi smashið í dystinum, átti dagsins spælari, Hákun Nón.

Bert neyðugt við tveimum settum, men tey vóru ikki løtt at taka hjá ÍF

Ternumenninir 

Dagsins spælari, sum eisini gjørdi avgerandi stigið: Hákun Nón

Kelda og myndir: Flogbóltssamband Føroya