Mjølnir vann dystin um heimavøllin

Føroya Tele-deildin, menn:
Mjølnir - SÍ 3-0 (25-21, 25-20, 25-21)

Í dag stóð slagið í Klaksvík um, hvør skuldi hava heimavøll í fyrru FM-finaluni. Treytin fyri, at SÍ skuldi vinna sær heimavøll, var, at SÍ vann dystin 3-0. Øll onnur úrslit høvdu við sær, at Mjølnir fór at eiga heimavøll.

Eftir 7-7 í fyrsta setti vann Mjølir sær so líðandi yvirvág, og hóast SÍ minkaði um munin aftur til bara eitt stig, dró Mjølnir frá aftur og vann settið 25-21. - Og so var heimavøllurin í fyrru FM-finaluni tryggjaður.

Í øðrum setti sá út til, at SÍ fór at fáa ein rættiligan avsmurning, tá Mjølnir fór framum 15-7, men SÍ bardi seg innaftur í dystin og javnaði til 18-18. Gleðin var tó stokkut, tí Mjølnir dró frá aftur og vann 25-20.

Mjølnir var eisini stinnari í triðja setti, og eftir 12-12 fór at dragna millum liðini, og klaksvíkingar vunnu 25-21.

Endaliga støðan í Føroya Tele-deildini, menn:

Fyrra FM-finalan millum Mjølnir og SÍ verður sostatt í Klaksvík, og tann seinna verður í høllini á Hálsi leygardagin 27. apríl.

Vinna liðini hvør sína finalu - sama hvat settúrslitini eru - so verður føroyameistaraheitið avgjørt í sonevndum gullsetti, sum gongur upp í 15.