Myndir: Handaðu løgmanni 832 undirskriftir

Fólk frá Róðrarfelagnum Knørri vóru seinnapartin í dag í Tinganesi, og handaðu Bárði á Steig Nielsen, løgmanni, undirskriftir frá 832 fólkum.

Tey heita á løgmann um at gera sína ávirkan galdandi so felagið ikki stendur uttan nakað neyst til bátarnar 1. apríl.

Løgmansskrivstovan sum er eigari av Evensens pakkhúsi, har Róðrarfelagið Knørrur heldur til, og hevur bátarnar standandi, hevur sagt sáttmálan upp.

Pakkhúsið skal brúkast til viðarbular í sambandi við umvælingina av Stokkastovuni í Tinganesi.