Fótbóltur

Myndir: Venja seg við undirlagið í fjallalandinum

Føroyska landsliðið hevði seinnapartin sína seinastu venjing áðrenn Nations League-dystin móti Andorra í morgin.

(Mynd: Hans Erik Danielsen / FSF)

(Mynd: Hans Erik Danielsen / FSF)

2020-09-05 21:07 Author image
Sverri Egholm
placeholder

A-landsliðið hjá monnum í fótbólti hevði í dag venjing á Estadi Nacional í Andorra. Hetta var seinasta venjing undan Nations League-dystinum móti Andorra, sum verður bíkslaður í gongd klokkan 14 í morgin.

Liðið kom til Andorra í gjár við dramatiska 3-2 sigrinum á Malta á Tórsvølli hóskvøldið í skjáttini.

Føroyar hava seinastu árini havt tað trupult móti lítla fjallalandinum, Andorra. í HM-undankappingardysti í mars 2017 spældu okkara menn málleysan javnleik, har Jóan Símun Edmundsson eisini fekk reytt kort.

Á heimavølli seinni sama ár eydnaðist tað Føroyum at vinna 1-0 við máli frá Gilla Rólantssyni Sørensen.

Les eisini: Bert eitt mál í trimum dystum millum londini

Landsliðsvenjarin Håkan Ericson segði við Portalin hóskvøldið, at graslíksivøllurin í Andorra er vánaligur og ger tað trupult at spæla skjótan fótbólt. Hann segði, at hetta ger, at nakrar justeringar verða taktiskt og møguliga onkur broyting í byrjunaruppstillingini.

Dysturin millum Andorra og Føroyar í morgin byrjar sum nevnt klokkan 14, og verður vístur í sjónvarpinum hjá Kringvarpi Føroya.

Sí myndirnar, sum Hans Erik Danielsen frá FSF tók frá venjingini í dag:

placeholder
placeholder