Napoli er italienskur steypavinnari

Nú verða ymsu steypini skjótt lutaði út kring Evropa. Tær stóru kappingarnar eru tiknar upp aftur, eins og aðrar heldur smærri sum Superligain, og avgerðin í lands- og steypakappingum nærkast.

Í Týsklandi tryggjaði Bayern München sær sítt áttanda meistaraheiti á rað fyrr í vikuni, og sama kvøldið tryggjaði Arminia Bielefeld sær uppflyting til júst Bundesligaina, og gullið kemur allarhelst skjótt í hús.

Les eisini: 
Uppflytingin hjá Bielefeld og Jóan Símun er veruleiki

Í gjárkvøldið varð steypakappingin í Italia avgjørd. Juventus, ið er oddalið í Serie A, var favorittur móg Napoli, ið liggur á sætta plássið í landskappingini. Einki mál kom í vanligu leiktíðini á olympiska leikvøllinum í Rom og neyðugt varð við brotsspørkum í Coppa Italia-finaluni, ið tað varð farið beinleiðis til.

Dybala legði út við at brenna fyri Juventus (Mynd: EPA)


Milik skoraði avgerandi brotssparki fyri Napoli (Mynd: EPA)

Dybala og Danilo brendu tvey tey fyrstu skotini hjá Juventus, og tí var ikki nóg mikið, at tvey tey næstu vórðu skoraði, tí Napoli skoraði fýra útav fýra. Cristiano Ronaldo skuldi skjóta sum nummar fimm hjá Juventus, men tað kom ikki har til, møguleikin fyri "The Double" er farin, og Gennaro Gattuso og hansara menn stórfegnast.


Mynd: EPA


Ronaldo noyddist at ganga framvið steypinum uttan at sleppa at lydta tað (Mynd: EPA)


Steypið fer aftur til Napoli (Mynd: EPA)

Hetta var triðju ferð síðani 2012, og sættu ferð tilsamans, at Napoli kundi lyfta steypið.