Hondbóltur

Neistin vann greitt í Klaksvík

Neistin er væl við í oddinum, VÍF er fyribils oddalið eftir stórsigur á StÍF.

2018-11-11 16:44 Author image
Agnar Prestá
placeholder

Tveir dystir í SMS-deildini eru leiktir seinnapartin.

Í Klaksvík tók Stjørnan imóti Neistanum. Í 1. hálvleiki var leikferðin høg, og nógv góð mál vórðu skotin. Eftir at Neistin tók eina leiðslu uppá 6-3, hevði Stjørnan eina sera góða periodu. Men móti endanum av hálvleikinum tók Nesitin yvir, meðan heimaliðið gjørdi alsamt fleiri feilir.

Stjørnan royndi at hanga í allan 2. hálvleik. Neistin helt allatíð eina frástøðu og við góðum álopsspælið og ágangandi verjuspælið, koyrdu tær sigurin heim. Neistin hevur nú 9 stig.

Á Skála vann VÍF greiðan sigur. Greipuvinnararnir vóru á odda 19-6 í hálvleikinum. Í 2. hálvleiki kom StÍF betri við, og tá seinasta bríksl ljóðaði var munurin 11 mál.

Stjørnan - Neistin 22-28 (10-14)
Toppskjúttar: Mina Sirdal og Tóra Eliasen 6 mál, Ingunn Kristina Persson 6 mál

StÍF-VÍF 19-30 (6-19)
Toppskjúttar: Rebekka Zachariassen 6 mál, Durita C. Jojic 9 mál


SMS kvinnur støðan
1. VÍF 11 stig (7 dystir)
2. H71 10 stig (5 dystir)
3. Neistin 9 stig (7 dystir)
4. Kyndil 4 stig (6 dystir)
5. Stjørnan 3 stig (6 dystir)
6. StÍF 1 stig (7 dystir)

placeholder
placeholder