Neistin víðari í Evropa Cup eftir brotskøst

Tað bleiv stórt drama í Kaunas í kvøld, har Neistin og Garliava stríddust um víðari luttøku í EHF European Cup. Tað stóð á jøvnum samanlagt til síðsta “umfar” í brotskastskappingini.

Heimaliðið hevði vunnið við trimum málum í gjár, men neistakvinnurnar kendu, at tær vóru væl við og gott kundu vunnið dystin.

Soleiðis var í dag. Talan var um javnan dyst, har Neistin var á odda í steðginum (13-12) og kundi havt avgjørt tað samanlagt sum dysturin leið. Tær vendu tí tó frá fyrra dystinum, tað endaði 23-20 - neyðugt varð við brotskøstum.

Verjan og málverjarnir stóðu væl fyri Neistan í dag, og í álopinum gingu Maria Pálsdóttir Nólsoy og Bjørk Franksdóttir Joensen aftur á odda. Tær 19-ára gomlu skutu sjey mál hvør.

Maria skoraði seinasta málið í vanligu leiktíðini fyri Neistin - í brotskastskappingini skoraðu bert Bjørk og Sólbjørt Høj av teimum finm skjúttunum. Hetta var kortini nóg mikið. Silja Arngrímsdóttir Müller og Yui Shibuya í málinum gjørdu sítt, og nervar darvaðu vertirnar.

Neistin feldi favorittarnar og fekk flott evropeiskt úrslit. Annað umfar er á skránni í oktober, og tá skal havnarfelagið aftur royna seg.

European Cup 1. umfar, seinni dysturin
Kaunas, Litava - leygardag 23. september

Neistin - Cascada HC Garliava 25-21 eftir brotskøst (23-20) Samanlagt yvir tveir dystir: 50-49