Nógvur hondbóltsungdómur til leikaramenning um vikuskiftið

Síðsta vikuskiftið var leikaramenning í Vági fyri U13 og U14 við gentum og dreingum.

Ungu hondbóltsleikararnir norðanfjørðs fóru suður fríggjakvøld og gist varð vesturi á Eiðinum í VB-húsinum, har øll eisini ótu.

Vant var allan leygardagin í høllini, og dystir vóru á skránni í Marghøllini, har báðir vøllirnir vórðu brúktir samstundis, skrivar HSF. Harumframt sluppu allar leikarar at royna klintriveggin í Marghøllini, við hjálp frá fólki frá ítróttaháskúlanum.

(Mynd: HSF)