Agnar Prestá
Triðja umfar í Champions League fór í gongd í gjárkvøldið við átta dystum.
Bólkur A
Liverpool - Rangers 2-0
Ajax - Napoli 1-6
Liverpool gjørdi sína skyldu við heimasigri á Rangers, ið ikki sær út til at fáa fylgt við í bólkinum. Trent Alexander-Arnold, við beinleiðis frísparki tíðliga í dystinum, og Mohammed Salah, við brotssparki tíðliga í seinna hálvleiki, skoraðu málini á Anfield.
Napoli er flúgvandi. Liðið hjá Luciano Spaletti er á odda í Serie A og eisini í hesum bólkinum. Tað seinna sló Napoli so rimmarfast við 6-1 sigri í Amsterdam, har útiliðið annars kom afturum tíðlilga.
Napoli 9
Liverpool 6
Ajax 3
Rangers 0
Bólkur B:
FC Porto - Bayer Leverkusen 2-0
Club Brügge - Atletico Madrid 2-0
Club Brügge hevur tikið nógv av bóli higartil í kappingini. Í gjár vann belgiska liðið 2-0 á Atletico Madrid. Heimaliðið fekk eitt mál í hvør sínum hálvleiki, og Antonie Griezmann brendi brotsspark, tá støðan var 2-0. Brügge hevur nú fult stigatal og er greitt oddalið í bólkinum, har Porto fekk síni fyrstu stig í gjár.
Club Brügge 9
FC Porto 3 stig
Bayer Leverkusen 3
Atletico Madrid 3
Bólkur C:
Bayern München - FC Viktoria Plzen 5-0
Inter Milan - FC Barcelona 1-0
Tað var eingin slignur í valsinum hjá Bayern, sum vann stórt á kekkiska mótstøðuliðnum í Suðurtýsklandi í gjár. Liðið hjá Julian Nagelsmann hevur fult stigatal í bólkinum.
Í Milano var áhugaverdur dystur, har Barcelona hevði bóltin meira, men har tað annars var javnt. Turkiski Hakan Çalhanoğlu, ið ikki var tøkur til dystin á Tórsvølli fyri tíggju dagar seinni, skoraði beint fyri hálvleik, og tað vísti seg at gerast einsamalla málið í dystinum. Útiliðið fekk mál kolldømt miðskeiðis í seinna hálvleiki og vildi hava brotsspark seint í dystinum, men eins og móti Bayern í 1. umfari fór Barca av vøllinum við einum tapi og uttan at skora. og trýst er á liðnum hjá Xavi, tá Inter kemur á vitjan á Camp Nou í næstu viku.
Bayern 9
Inter 6
Barcelona 3
Plzen 0
Bólkur D:
Olympique de Marseille - Sporting Clube de Portugal 4-1
Eintracht Frankfurt - Tottenham Hotspur 0-0
Talan er um tættasta bólkin í løtuni. Hetta gjørdist greitt eftir, at Marseille vann á Sporting í gjárkvøldið - útiliðið fekk reytt kort miðskeiðis í fyrra hálvleiki, tá støðan var 2-1.
Sporting 6
Tottenham 4
Frankfurt 4
Marseille 3
Átta dystir verða leiktir í kvøld eisini. Millum annað vitjar FCK í Manchester, har serliga Haaland skal stegðast, og Chelsea spælir í Milano móti AC Milan.
Sí skrá her
Vinarliga broyt tínar kennifíla - og privatlívsstillingar fyri at síggja hetta innihald