Nú ber til at velja besta málið í mai

Televarpið hevur í ár regluliga atkvøðugreiðslu, sum snýr seg um hvør hevur gjørt besta málið í Betrideildini hjá monnum mánaðin frammandundan.

Av tí at bert eitt umfar varð avgreitt í mars, vegna kava, vóru mars og apríl settir saman. Tað var Martin Klein Joensen, sum sambært atkvøðugreiðsluni í síðsta mánaða skeyt besta málið í mars og apríl. Áleyparin skoraði snilt mál móti TB, tá hann úr stórari fjarstøðu, og hálvgum vendur móti egnum máli, lyfti bóltin uppum málverjan.


Martin Klein Joensen hevur higartil vunnið heiðurin í ár - hetta fyri málið í stórsigrinum á TB. Mál hjá ungum Víkinga-spælara er á listanum fyri mai (Mynd: Sverri Egholm)

Nú hava teir á Televarpinum valt tey 10 málini, sum mett verður vóru best í mai. Spurningurin er so: Hvat mál var tað allarbesta? 

Fleiri góð langskot eru á listanum - í tveimum førum eru tvey slík úr sama dysti við. Eisini eru trý beinleiðis fríspark, eitt einmansavrik, og so tey bæði vælspældu málini hjá HB í fjórðingsfinaluni móti B36, sum serliga Mads Borchers og Áki Samuelsen stóðu fyri, á listanum.

Televarpið hevur valt trý mál úr steypakappingini - sí allan listan og málini niðanfyri: 

Høgni Egilstoft Nielsen, 07 Vestur (8. umfar)

Signar á Brúnni, Víkingur (8. umfar)

Jákup Hummeland, EB/Streymur (10. umfar)

Gutti Dahl-Olsen, EB/Streymur (10. umfar)

Valerijs Sabala, B36 (9. umfar)

Teitur Debess Olsen, AB (11. umfar)

Adrian Rúnasson Justinussen, HB (11. umfar)

Mads Borchers, HB (Fjórðingsfinalan í steypakappingini)

Áki Samuelsen, HB (Fjórðingsfinalan í steypakappingini)

Magnus Holm Jacobsen, 07 Vestur (Fjórðingsfinalan í steypakappingini)

Til ber at síggja øll málini her

Far inná Sona-appina og vel besta málið í mai.