Nú er aftur javnleikur samanlagt

Molde, Noreg (Portalurin) - Sum væntað legði heimaliðið hart út, og KÍ var undir næstan støðugum trýsti fyrstu umleið tjúgu minuttirnir - so at siga til beint eftir at Molde hevði lagt seg á odda.

Hetta var eftir hornaspark úr vinstru, har KÍ ikki avgreiddi støðuna nóg væl áðrenn, og tá bólturin so kom innfyri. Tað var í 17. minutti, at bólturin varð stútaður framvið Nils Jonatan Johansson, sum hevði hendurnar á bóltinum.




KÍ fekk ikki eitt bein til jørðina, og Molde legði seg á odda í 17. minutti (Myndir: Sverri Egholm)

Stutt frammaundan var fagnaður á Aker leikvøllinum, men tá varð málið kolldømt vegna rangsstøðu. Hetta var eftir VAR-kanning.

KÍ hevur so at siga onga støðu megna at skapt framftir, fyriuttan einaferð Árni Frederiksberg stútaði móti málinum eftir framlegging frá Luc Kassi, umframt eitt innlegg og langt innkast. Fyriuttan eina løtu miðskeðis í hálvleikinum er tað ikki eydnast at halda fast í bóltinum móti ágangandi Molde-spælarunum, og útiliðið er heldur ikki sloppið í mótálop.

Samanlagt er tað nú 2-2. Á pappírinum er alt opið, tó at tað liggur til Molde.




(Myndir: Sverri Egholm)

UEFA Champions League 3. umfar, seinni dystur
Í dag, týsdagin 15.08 kl. 18
Molde FK - KÍ (1-0) - 2-2 samanlagt