Sverri Egholm
(Upptøka: KÍ)
Síðani KÍ-hópurin seinast hevði eina vening í Djúpumýru hevur Magne Hoseth stungið í sekkin, og nýggjur norðmaður hevur yvirtikið ovastu leiðsluna.
Haakon Lunov hevði í dag fyrstu venjingina í Djúpumýru, og hann fekk eisini heilsað uppá allar leikararnar og venjaratoymið.
- Stóru úrslitini í fjør eiga at geva blóð upp á tonnina til meira. Og tað er eisini mín fatan at man vil í felagnum. Man er ikki mettur, man er svangur eftir meira, sigur Haakon Lunov við Facebooksíðuna hjá KÍ.
Trý ára sáttmáli er gjørdur við norðmannin, sum seinast hevur verið venjari í triðbestu norsku deildini.
Sum liður í fyrireikingunum til landskappingina, fer KÍ-hópurin til Portugal á venjaralegu tann 30. januar.
Landskappingin hjá monnum byrjar vikuskiftið 9. og 10. mars.
Vinarliga broyt tínar kennifíla - og privatlívsstillingar fyri at síggja hetta innihald