2022-01-03 18:08
Agnar Prestá
Agnar Prestá
Tað eru ellivu dagar, til føroyska A-landsliðið hjá monnum fer í gongd við HM-undankappingina. Føroyar spæla 14-16. januar tríggjar undankappingardystir á heimavølli, og hetta er fyrsta uppgávan hjá Peter Bredsdorff-Larsen og Lars Møller við toymi.
Donsku venjararnir og toymið kring liðið verður í Føroyum í tíðini upp til dystirnar móti Luksemborg, Italia og Lettlandi í samband við fyrireikingarnar, og Hondbóltssambandið boðar frá, at í hesum sambandi verður skipað fyri inspiratiónsvenjingum, fyrilestrum og fundum.
Umframt Peter Bredsdorff-Larsen og Lars Møller, sum fara at hava inspiratiónsvenjingar við yngru leikarum, fund við venjarum í Burndeildini o.s.fr, er okkurt eisini á skránni við fysiska venjaranum Søren Lavrsen og málverjuvenjaranum Tom Jensen.
![[object Object]](https://cdn-ac.knassar.fo/media/2021/06/29/890x590/16249724040stuuccani.jpg)
Skráin:
Hósdagur, tann 6. januar
19.00 - 21.00 Inspiratiónsvenjing (U12) við Peter Bredsdorff-Larsen í høllini á Hálsi
Allir barna- og ungdómsvenjarar og onnur áhugaði eru hjartaliga vælkomin
Fríggjadagur, tann 7. januar
19.00 - 21.00 Kropslig venjing við Søren Lavrsen í høllini á Hálsi
Allir kropsligir venjarar, fysioterapeutar og ábyrgdarhavandi í feløgunum og onnur áhugaði eru vælkomin
Mánadagur tann 10. januar
18.30 - 20.30 Inspiratiónsvenjing (U16) við Lars Møller og Peter Bredsdorff-Larsen í høllini á Oyrarbakka
Allir ungdómsvenjarar og onnur áhugaði eru vælkomin
Týsdagur, tann 11. januar
19.00 - 21.00 Venjarafundur við Peter Bredsdorff-Larsen og Lars Møller í kantinuni í høllini á Hálsi
Fyri venjarum í Burndeildini og landsliðsvenjarum
Mikudagur, tann 12. januar
19.00 - 21.00 Málverjavenjing við Tom Jensen í Hoyvíkshøllini
Fyri øllum málverjavenjarum og ábyrgdarhavandi í feløgunum.
Vinarliga broyt tínar kennifíla - og privatlívsstillingar fyri at síggja hetta innihald