Agnar Prestá
Óli Eyðsteinsson Poulsen skifti í summar úr KÍ til EB/Streym. Tá hevði hann spælt yvir 50 dystir fyri besta liðið hjá barndómsfelagnum, men tað hevði verið væl meira, um Óli ikki hevði verið so skaðadarvaður í árunum 2019 til og við 2022.
23 ára gamli vinstrabeinti miðvallarin hevur spælt níggju dystir fyri EB/Streym síðani fyrst í august, og av teimum hevur liðið vunnið seks.
Óli Eyðsteinsson hevur gjørt mun við serliga sínum spælskili og sínum "motori" á miðvøllinum, og hevur klaksvíkingurin eisini lagt upp til nøkur mál.
Nú hevur EB/Streymur, sum hevur bjargað sær við manér, kungjørt, at avtala er gjørt við Óla fyri næsta kappingarár eisini.
Hetta gleðist felagið um - talan er helst um ein spælara, sum fleiri feløg høvdu roynt at fingið fatur á í vetur.
Vinarliga broyt tínar kennifíla - og privatlívsstillingar fyri at síggja hetta innihald